Голманот на Јувентус, Џанлуиџи Буфон не планира да ја прекине кариерата на крајот од сезоната 2019/20.
Четириесет и едногодишниот Италијанец сака да го продолжи договорот со клубот од Торино за уште една година, пренесува „Кориере дела Сера“.
Во натпреварот од 17. коло од италијанскиот шампионат против Сампдорија, Буфон може да постави апсолутен рекорд во Серија А. Ако голманот влезе во игра, тогаш овој натпревар ќе стане за него 648-та во Серија А.
Во моментов Буфон ја дели првата позиција со Паоло Малдини, на чие конто има 647 натпревари.