Голманот на италијанската фудбалска репрезентација и член на Јувентус, Џанлуиџи Буфон е добитник на наградата „Златно стапало“.
Оваа признание се доделува на фудбалери постари од 28 години, кои имаат постигнато значителен успех на индивидуално и на ниво на клубот.
Буфон наградата ја доби во конкуренција на фудбалските ѕвезди какви што се Кристијано Роналдо, Лионел Меси, Вејн Руни, Единсон Кавани, Франк Лампард, Икер Касиљас, Кака, Тиаго Силва и Андреа Пирло.
На церемонијата во Монако признание му беше доделено од страна на принцот Алберт, а Буфон како белег на „Шеталиштето на шампионите“ ги остави отпечатоците од своите раце.