Шпанскиот ракометен великан Атлетико Мадрид, во чии редови настапува Кире Лазаров почнал преговори со германскиот Гумерсбах, за трансфер на Борко Ристовски во нивните редови, објави Дневник.
Според весникот, откако ветеранот на голот на Атлетико, Хозе Омбрадос ги скина предните вкрстени лигаменти на коленото, раководството на шпанскиот клуб тргнал во потрага по замена за нивниот капитен.
Меѓу оние што се споменуваат како најсериозни кандидати бил и напиот Ристовски.
„Точно е дека Атлетико е заинтересиран за мене. Тоа ми го потврдија и во клубот. Веќе имало и контакти на релација Атлетико – Гумерсбах. И тренерот Талант Душебаев се распрашувал за можноста да преминам во Мадрид. Не знам како ќе се одвиваат работите зашто знам дека Германците бараат големо обесштетување за мене. Kолку и дали е Атлетико подготвен да плати, ќе знам деновиве“, вели Ристовски за Дневник.