Во македонската кошаркарска Супер лига денеска беа одиграни трите натпревари од 4.коло, на кои немаше изненадувања.
Во салата „Градски Парк’’ во Скопје, екипата на Работнички го победи Куманово со 91:84.
Во редовите на домашната екипа петмина играчи имаа двоцифрен број на поени, а најефикасни беа, Дарко Соколов и Ѓорѓи Чековски со 21 односно 20 поен.
Со идентичен резултати 91:84 победа забележа и шампионот, МЗТ Скопје Аеродром кој пред својата публика беше подобар од Карпош Сокови. Предраг Самарџиски со дабл-дабл учинок од 17 поени и 11 скокови беше најдобриот играч во редовите на МЗТ Скопје.
На последната средба во Кавадарци, Фени Индустри е поразен од Кожув со 74:79.
Табела: МЗТ Скопје А. 35 бодови, Работнички 34, Куманово 32, Фени Индустри 32, Карпош Соколи 32 и Кожув 30.