Напаѓачот на Франција и Реал Мадрид, Карим Бензема им се заблагодари на навивачите за поддршката по ЕВРО 2020.
– Би сакал да го видам нашиот тим на врвот. Благодарам на навивачите што секогаш веруваа во нас. Неуспехот и тешкотијата нè поттикнуваат да се обидеме да се надминеме себеси. Ова е само одмор, ќе се вратиме посилни.
Им благодарам и на моите соиграчи, тренери и цела Франција што реагираа толку топло на моето враќање, напиша Бензема на Инстаграм.
Триесет и тригодишниот фудбалер не играше за националниот тим скоро шест години. Во 2015 година, Бензема беше отстранет од националниот тим по скандалот со Валбуена – уцена со интимно видео.