Поранешниот фудбалер на Челзи, Ромелу Лукаку, потпиша договор со Наполи, соопшти денеска клубот од Неапол.
Во соопштението не се наведуваат детали, но италијанските медиуми тврдат дека белгискиот фудбалер потпишал договор со Наполи до 30 јуни 2027 година.
Лукаку би требало да заработува осум милиони евра по сезона во италијанскиот клуб. Наполи се согласи да му плати на Челзи отштета од околу 30 милиони евра плус бонуси.