Англиската фудбалска ѕвезда Дејвид Бекам ќе биде нов лидер на Пари Сен Жермен, а бразилецот Рикардо Кака од Реал оди на шестмесечна позајмица во Депортиво Ла Коруња.
Според Би-Би-Си, 37-годишниот Бекам, кој по раскинувањето на договорот со Лос Анџелес Галакси е слободен играч, веќе е на пат за Париз за да потпише договор со „светците“.
Шпанските медиуми, пак, денеска на последниот ден од зимскиот преоден рок, објавуваат дека е можно 31-годишниот Кака наредните шест месеци да ги помине во Ла Коруња како позјамен играч, откако не успеа да обезбеди место во првиот тим на Реал, а пропаднаа и обидите за негово враќање во Милан.
Миланските црвено-црни во меѓувреме ги завршија сите формалности околу трансферот на Марио Балотели. Тој ќе остане во Милан до 2017 година и ќе го носи дресот со број 45.