Фудбалерите на Баерн од Минхен го победија најголемиот ривал Борусија од Дортмунд со 2:1 во дерби натпреварот од 10. коло на Бундеслигата.
Борусија прва поведе по половина час игра со голот на Марко Ројс. Сепак, Баерн направи пресврт во последните 20 минути. Поранешниот играч на „Милионерите“ Роберт Левандовски во 72 минута израмни на 1:1, а победоносниот гол за „Баварците“ го постигна Арјен Робен од пенал во финишот на натпреварот, отакако Невен Суботиќ го собори Франк Рибери во казнениот простор.
Борусија со поразот ја продолжи лошата низа во Бундеслигата и по 10 кола се наоѓа на 16. место со само седум бодови.
Баерн е прв на табелата со 24 бодови.