Француските фудбалери Оливие Жиру, Лоран Кошчелни и Френсис Кокелан денеска ставија потпис на нов договор со Арсенал,објави клубот од Прмиер лигата.
Менаџер на Арсенал, Арсен Венгер се одлучи да ги задржи тројцата сонародници и да им понуди подобра финансиска соработка, но не е објавено на колкав временски период.
– Ние сме многу задоволни што потпишавме со три многу важни играчи за нашата иднина. Кошчелни е еден од најдобрите светски стопери, Кокелан многу напредна технички последните години, додека Жиру има големо искуство и прерасна во комплетен напаѓач, изјави Венгер.
Арсенал се наоѓа на петтото место на табелата во Премиер лигата со 41 поени, осум зад лидерот Челзи.