Поранешниот најдобар светски велосипедист Ленс Армстронг кој поради користење недозволени стимулативни средства доби доживотна суспензија изјави дека на денешните големи трки невозможно е да се победи без користење допинг.
– Да се освои „Тур де Франс“ без допинг не е можно, рече Армстронг.
Него му се одземени титулите од „Тур де Франс“ кои ги освои во периодот 1999-2005.
Армстронг потсети дека неговите одземени титули не му се доделени на ниту еден друг велосипедист, што е доказ дека сите се допингувале.
За неговиот избор да користи стимулативни средства, Армстронг вели дека само бил дел од еден систем кој функционира и денеска.