Легендарниот француски фудбалер и најдобар стрелец на премиерлигашот Арсенал, Тиери Анри смета дека Челзи сезонава може да стигне до три трофеи.
„Сините“ од Лондон вчера веќе го освоија Лига купот, во Премиер лигата се на лидерската позиција со пет бодови повеќе и натпревар помалку во однос на второпласираниот Манчестер Сити, а во Лигата на шампионите имаат активни 1:1 од првиот дуел во 1/8 финалната пресметка со ПСЖ.
– Мислам дека можат до тројна круна. Поседуваат квалитет за освојување на овие натпреварувања. Сепак времето ќе покаже дали сум во право. Голем предизвик за нив ќе биде ПСЖ. Нестрплив сум да го гледам реваншот во Лондон.. Тоа ќе биде спектакл, истакна Анри.