Англичаните „полудеа“ по женски фудбал: Продадени 65.000 билети за еден ден

Од:

За помалку од 24 часа се продадени 65.000 билети за натпреварот меѓу женските фудбалски репрезентации на Англија и САД, кој ќе се одигра во октомври на „Вембли“ во Лондон.

dobivaj vesti na viber

Фудбалската асоцијација на Англија соопшти дека натпреварот меѓу европскиот шампион Англија и светскиот првак САД ќе се одигра на 7 октомври на „Вембли“, доколку англиската репрезентација избори пласман на Светското првенство во септември.

„Вие сте неверојатни, веќе се продадени 65.000 билети за нашиот октомвриски натпревар против САД“, се вели на Твитер профилот на женската репрезентација на Англија. Сајтот преку кој се продаваа билети во вторникот накратко падна поради преголема оптовареност.

Женскиот фудбал е се попопуларен во Англија, особено откако националниот тим во неделата го освои трофејот на Европското првенство, славеше по продолженија со 2:1 против Германија на „Вембли“. Натпреварот го следеа 87.192 навивачи, што е најдобра посетеност во историјата на европските првенства во машка и во женска конкуренција.

Во септември Англија ќе игра против Австрија и Луксембург во квалификациите за Светското првенство. Селекцијата е прва на табелата во својата група со максимални 24 бодови и пласман на Светското првенство ќе обезбеди со реми против второпласираната Австрија или победа против Луксембург.

Извор: Топспорт

Би можело да ве интересира

Фудбалерката на ЖФК „Борец“ Елма Шемсовиќ најдобар спортист на Велес за 2021 година

А1он

Кадетките и младинките ги дознаа ривалите во фудбалската Лига на нации

А1он

Одредени групите за женското ЕП во фудбал

А1он

У17: Македонските фудбалерки стартуваа со подготовки за евроквалификациите

А1он