Тренерот на Пари Сен Жермен Карло Анчелоти има сериозна намера на „Паркот на Принцовите“ во Париз да го донесе португалскиот репрезентативец и играч на Порто, Жоао Мутињо.
Според информациите објавени во француските медиуми, Анчелоти побарал од раководството на клубот Мутињо да биде едно од неколкуте засилувања во летниот преоден рок.
26-годишниот Португалец игра во средниот ред и за него минатата година беа заинтересирани повеќе екипи, а најблиску до негов ангажман беше Тотенхем, но соработка не беше остварена.
Мутињо има актуелен договор со Порто уште две години, а за евентуален предвремен раскин и преоѓање во ПСЖ, парижаните ќе платат обештетување чија висина се уште не е објавена.