Тренерот на ПСЖ Карло Анчелоти застана во одбрана на својот играч Златан Ибрахимовиќ по добиениот црвен картон на дуелот со Валенсија.
– Требаше да ни го признаат третиот гол. Ибрахимовиќ незаслужено доби црвен картон. Ова што се случи не е фер. Примивме наивен гол во последните моменти, потоа ни беше исклучен најдобриот наш играч за еден нормален старт. Разочаран сум поради тоа што одигравме многу квалитетно, а на крајот не се заврши така добро како што можеше да биде, изјави Анчелоти.
ПСЖ на синоќешниот осминафинален меч од Лигата на шампионите на гостински терен ја победи Валенсија со 2:1.