Шпанскиот тенисер Карлос Алкараз денеска изјави дека е среќен што ќе го пречека Вимблдон како број еден на АТП листата, пренесуваат британските медиуми.
Алкараз го освои турнирот во Квинс, откако денеска во финалето го совлада Австралиецот Алекс де Минор со 6:4, 6:4. Шпанецот од утре и официјално повторно ќе биде најдобар тенисер во светот.
„Повторно да бидам прв, особено на Вимблдон. Но, повторно, немаше да биде возможно да немав таква поддршка од мојот народ, навивачите. Почетокот не беше идеален, движењето не беше идеално. Сè уште треба да учам, но на крајот на неделата беше неверојатно. Да се дојде на Вимблдон, во оваа форма, како прв е одлично“, рече Алкараз.