Вториот тенисер во светот Карлос Алкараз во неделата лесно го совлада Феликс Огер-Алиасиме, а потоа направи нешто што целосно ги збуни љубителите на тенисот.
Имено, откако се пласираше во осминафиналето совладувајќи го Канаѓанецот со резултат 2-0 (6-3 6-2) на една од камерите наместо стандардните „Вамос“, напиша порака која никој не ја очекуваше и што остави многумина збунети.
Carlos Alcaraz signs the camera after beating Aliassime at Indian Wells:
“N. See you soon!” pic.twitter.com/MuhArJOTcF
— The Tennis Letter (@TheTennisLetter) March 10, 2024
„Н, се гледаме наскоро“, напиша Шпанецот, а многумина се прашуваат кому ја посвети пораката. Некои сметаат дека пораката била упатена до светскиот рекет број еден, Новак Ѓоковиќ, кого Алкараз го брка на АТП-листата, но некои сметаат дека пораката била за неговиот сонародник Рафаел Надал.
Надал поради повреда се повлече од Индијан Велс, а претходно пред турнирот одигра егзибициски меч со Алкараз. Затоа може да се заклучи дека помладиот Шпанец му дава мотив да се врати на терените.