Масимилијано Алегри тренерот на италијанскиот првак Јувентус реши да го дисциплинира Леонардо Бонучи, па искусниот италијански репрезентативец не е во составот на „Старата дама“ за утрешниот меч против Порто во Лигата на шампионите.
Како што пренесуваат италијанските медиуми, ваквата одлука на Алегри е јасна порака и казна за Бонучи по нивните вербални препирки и недоразбирањата кои ги имаа за време на првенствениот меч со Палермо кој Јувентус го доби со 4-1.
Иако Бонучи отпатува со екипата во Португалија и се чинеше дека се е заборавено, сепак тоа не е случај, па Бонучи мечот со Порто ќе го следи од трибините.
Порто и Јувентус утревечер го играат првиот дуел од осминафиналето во Лигата на шампионите, во терминот од 20 часот и 45 минути, за кога е закажана и средбата меѓу Севиља и Лестер, додека вечерва своите први меѓусебни дуели ќе ги играат, Баер Леверкузен – Атлетико Мадрид и Манчестер Сити – Монако.