Сопственикот на лондонскиот премиерлигаш Челзи, Роман Абрамович, само на отпремнини за поранешните тренери потрошил над 126 милиони евра, објави денеска „Дејли Мејл“.
Последната „жртва“ на рускиот тајкун беше Френк Лампард, кој доби отказ на почетокот на оваа недела по пет лигашки порази на последните осум натпревари.
Предвремениот прекин на соработката со Лампард го чинеше Абрамович 2,26 милиони евра.
Најмногу пари за предвремен прекин на соработката Абрамович потроши на Жозе Мурињо и Антонио Конте, вкупно 85 милиони евра.
Милионски отпремнини во минатото добија и Фелипе Сколари (14,2 милиони евра), Андре Вилаш-Боаш (13,5), Роберто Ди Матео (12), како и Аврам Грант, Карло Анчелоти и Клаудио Раниери.
Единствено Рафаел Бенитез и Гус Хидинк заминаа од „Стемфорд Бриџ“ по истекот на нивните договори.