Во својот 47. натпревар оваа сезона во НБА американската кошаркарска лига, составот на Атланта го совлада Портланд Трејл Блејзерс со 105:99 на домашен терен во “Филипс“ Арена за вкупно 39-та победа, односно 18-та по ред.
Кај Хокси најефикасни беа Пол Милсап со 21 поен (осум скокови) и Ал Хорфорд со 17 поени (осум скокови, четири асистенции, три украдени топки).
Македонскиот интернационалец Перо Антиќ во триумфот придонесе со седум поени за 12. минути игра на паркетот (три скокови, една лична грешка).
Остануваат на првото место во Источната конференција со осум порази, а следниот дуел ќе го имаат наредниот ден дома со Филаделфија Сиксерс, тим кој што има најслаб учинок на Истокот (10-37).