Кипарското Министерство за финансии денеска соопшти дека е започната втората рунда преговори со претставниците на ЕУ и ММФ за износот и условите за одобрување пакет помош за Кипар, со цел да ги спаси ослабените банки.
Во соопштението на Министерството се наведува дека тема на разговорите ќе биде банкарскиот сектор, како и доведување во ред на јавните финансии, а преговорите ќе завршат до крајот на неделава.
Кипар стана петтата земја која од почетокот на овој месец побарала финансиска помош од партнерите во еврозоната.
На оваа земја и се потребни најмалку 2,8 милијарди евра за докапитализација на ослабените банки.