Претседателот на Србија, Александар Вучиќ, денеска изјави дека Украина е пријател на Србија и дека што е најважно, не ја признала независноста на Косово.
Во изјавата за новинарите во Тирана, каде што учествува на Самитот Украина – Југоисточна Европа, Вучиќ рече дека Србија се придржува до парламентарните декларации и позициите на Советот за национална безбедност и дека на Украина денес не и е лесно.
„Не заборавајте зошто е важно, освен што тоа се наши словенски пријатели, треба да имате на ум дека Украина никаде не го признала Косово. Јас во мојата презентација реков дека Украина е една од ретките земји што може да разговара за територијалниот интегритет, затоа што таа не погазила туѓ територијален интегритет, како повеќето други, а денес им се полни устите со тоа“, рече Вучиќ.
Тој додаде дека дури и претседателот на таканареченото Косово, Вjоса Османи, пред камерите на Ројтерс изјави дека се залага за зачувување на територијалниот интегритет.