Првиот потпретседател на српската Влада Александар Вучиќ, изјави синоќа дека одлуката на Приштина да им забрани на српските претставници на одат на Косово за време на предизборната кампања за локалните избори е „неразумна, ирационална и бесмислена“.
– На некој начин, одлуката е скандалозна, но секогаш сакам некои работи да преноќат па тогаш да направиме договор како и што да работиме, рече Вучиќ.
Тој истакна дека во секој случај, „не може да се дозволи понижување, но оти е важно да се почека ден или два пред да се реагира“.
Вучиќ додаде дека за тоа разговарал со премиерот Ивица Дачиќ и очекува да разговара со претседателот на Србија Томислав Николиќ.