Претседателот на Србија, Александар Вучиќ и премиерот на Косово, Албин Курти, се сретнаа денеска во 10:30 часот во Брисел. Станува збор за средба во рамките на дијалогот меѓу Белград и Приштина, чиј домаќин е Жозеп Борел, висок претставник на ЕУ за надворешна политика и безбедност, пренесува N1 Србија.
Покрај Борел, домаќин е и специјалниот пратеник на ЕУ за дијалог, Мирослав Лајчак. Пред почетокот на средбата, Вучиќ и Курти одвоено се сретнаа со Борел и Лајчак.
„Неодамнешните тензии на северот на Косово уште еднаш покажаа дека е време да се оди напред кон целосна нормализација. Очекувам двајцата лидери да бидат отворени и флексибилни, да најдат заеднички јазик“, напиша Борел на Твитер со фотографии од Вучиќ и Курти.
I am convening this morning the High-level Belgrade-Pristina Dialogue meeting.
Recent tensions in the north of Kosovo have demonstrated yet again that it is time to move forward towards full normalisation. I expect both leaders to be open and flexible to find common ground. pic.twitter.com/T0AhjKd1D3
— Josep Borrell Fontelles (@JosepBorrellF) August 18, 2022
Вучиќ: Се надевам на некакво решение
Претседателот на Србија на својот официјален Инстаграм профил напиша дека се надева на некакво решение. Тој објави фотографија со Борел.
„Почеток на разговорот за суштинските проблеми на Косово и Метохија. Се надевам на некакво решение, иако воопшто не верувам во тоа“, објави Вучиќ на Инстаграм.
View this post on Instagram