Вучиќ: Годинава понуда во врска со Косово која Србија нема да смее да ја прифати

Од:

Претседателот на Србија, Александар Вучиќ, изјави денес дека на Србија годинава за прашањето за Косово ќе и биде понудено нешто што тешко може да го одбие, но нема да смее да го прифати, јави дописникот на МИА од Белград.

Вучиќ за ТВ Прва кажа да предвидува дека се работи за некаков ултиматум „Ахтисари плус, плус„ план, дека ќе се обиде да се каже дека Србија добива гаранции за членство во ЕУ, но мора да го признае Косово, со што ќе добие и специјален статус за Србите.

Вучиќ оцени дека ова решение ќе биде полошо од она што тој го предложил, но дека тој нема да го прифати.

-Што и да биде, можам само да осетам каква ќе биде иницијативата на Специјалниот претставник на ЕУ, додаде тој, посочувајќи дека знае кој ќе биде на таа функцијата, но дека сè уште не може тоа да го изнесе јавно, и дека сигурно тоа ќе биде човек близок до Берлин.

Тој најави дека ќе го праша народот и потсети дека пред три години го изнел својот предлог, но дека никој не го прифатил.

Вучиќ коментирајќи го за ТВ Прва пристигнувањето од Русија на првиот дел од одбранбениот систем „Панцир“, оцени дека ова ќе ја зајакне Србија, но и дека ќе го засили и притисокот врз Србија.

На прашањето дали САД би можеле да воведат санкции за Србија поради руското вооружување, Вучиќ кажа дека јавно зборувал за „Панцир“ и дека смета дека предупредувањата за можни санкции не се однесуваат за „Панцир“, туку на ракетениот систем С-400.

Би можело да ве интересира

ВО ЖИВО: Српските студенти ги окупираа улиците по одлуката на Вучиќ за затворање на студентските домови

Ландов

Вучиќ најави враќање на мерките по напливот на нови случаи на Ковид-19

Горјан Грнчаровски

ВИДЕО: Тепачка поради кражба во српски маркет

А1он

На Белград му се заканува целосно затворање поради коронавирусот

Ана Ололовска

Србија бележи нови 272 лица заразени со коронавирус

А1он

Без најава Евзони повторно затворен за влез во Грција

Ана Ололовска