Претседателот на Србија, Александар Вучиќ, на маргините на Светскиот економски форум во Давос се сретна со специјалниот претставник на ЕУ за дијалог меѓу Белград и Приштина, Мирослав Лајчак.
Вучиќ предупреди дека Приштина го доведува во прашање сето она што досега е постигнато во нормализацијата на односите.
„Отворен разговор со Лајчак за ситуацијата на Косово и заканите со кои секојдневно се соочува српското население, кои го загрозуваат мирот и стабилноста на регионот. Повторив дека Србија продолжува да води одговорна политика заснована на дијалог и меѓународното право, но и предупредив дека Приштина со своите потези го доведува во прашање сето она што досега е постигнато во процесот на нормализирање на односите“, напиша Вучиќ на социјалните мрежи.