Во рамките на широката акција за уништување парцели засадени со марихуана, албанската полиција во подрачјата на северниот град Скадар и приморскиот Валона уништи над три илјади стебла од ова наркотично растение.
Полицијата од Полицискиот комесаријат Скадар на дванаесет парцели во атарите на неколку села уништила 1.530 додека во подрачјето на Валона на осум парцели, 1.606 стебла марихуана. Ден претходно во подрачјето на Тропоја биле уништен над 2.500 тебла марихуана чија висина достигнувала над два метра.
Само за два месеца од почетокот на големата акција, полицијата има уништено околу 60 илјади стебла марихуана, на парцели откриена низ целата територија на земјата.
Како што деновиве потврди Министертвото за внатрешни работи во изминатиот период од годинава, пак, албанската полиција има уништено над 500 илјади стебла марихуана, чија висина достигнувала и до 240 сантиметри.
Марихуаната е застапена во речиси сите делови на земјата, но главно во планиснките недостапни терени на северната област Дулаѓини, Тропоја и Кукс, но ја има на големи парцели и во подрачјето на Валона, Тепелена. Успесени се 240 лица осомничени за одгледување и трговија со марихуана.
Според албанскиот прв полицаец Сајмир Тахири годинава запленета и уништена е марихуана во вредност од седум милијарди евра.