Вкупно 111 фоторепортери се ранети, приведени или нивните фотографии се уништени од страна на полицијата за време на протестите во Истанбул и Анкара во периодот од 31 мај до 8 јули, соопшти Асоцијацијата на фоторепортерите.
Во извештајот на Асоцијацијата се наведува дека поголемиот дел од ранетите фоторепортери се повредени од солзавец и гумени куршуми, истрелани од полицијата.
Голем број фоторепортери се жалеле дека нивните фотоапарати и камери биле искршени, а фотографиите и снимките им биле уништени.
Најмалку десет фоторепортери имаат делумно оштетување на видот поради нападите со солзавец.