Во Подгорица почнаа акциите на движењето „Спротивстави се“

Од:

Претставници на движењето „Спротивстави се“, кои започнаа граѓански протести против властите во Подгорица на почетокот од годината, утрово ги пречекаа државните службеници во црногорската Влада, Претседателството и Обвинителството со звуци на сирените на автомобилите, со што ги почнаа акциите за ненасилен отпор против власта, најавени на осмиот протест одржан во саботата.

Денешната акција започна пред седум часот кога државните службеници пристигнуваа на работа и траеше околу половина час. Од озвучувањето се слушаа повиците „Спротивстави се“, „Замини“, „Ние сме држава”.

Целта на ваквите акции, како што беше претходно појаснето, е да го блокираат државниот систем со цел да ги натераат властите да ги прифатат нивните барања, како што се оставка на претседателот Мило Ѓукановиќ и на останати функционери во Владата, Обвинителството и Јавниот радиодифузен сервис, како и формирање техничка влада и создавање услови за одржување фер избори.

Демонстрантите бараат оставка од Ѓукановиќ и неговата Влада поради наводна злоупотреба на функциите, корупција и клиентелизам.

Црногорската власт ги одбива барањата на организаторите на протестите, но не ја исклучува можноста за разговори со организаторите на движењето „Спротивстави се“.

Претседателот Ѓукановиќ неодамна рече дека протестите се „легитимен начин за изразување на политичката волја и дека треба да се разговара со претствавниците на организацискиот одбор на граѓанските протести, доколку не се политички организирани“.

Би можело да ве интересира

Државната обвинителка на БиХ тврди дека пет години е незаконски следена и прислушкувана

Ана Ололовска

Шмит: Сега само ја следам состојбата во БиХ, потоа ќе преземам чекори

Ана Ололовска

Шмит: Претставниците на народите и на партиите да се договорат за изборната реформа во БиХ

Ана Ололовска

Вучиќ: Ѓукановиќ сака Црна Гора без Срби

Во октомври, прва заедничка воена вежба на БиХ и Србија по војната

А1он

Силен земјотрес ја погоди Босна и Херцеговина

А1он