Бугарската полиција денеска во еден минибус во близина на градот Монтана откри 28 илегални имигранти, кои изјавиле дека се од Авганистан, јави БТА.
Минибусот со бугарски регистарски таблички патувал од Монтана кон градот Видин, во близина на тромеѓето на границата на Бугарија со Србија и Романија.
Како што соопшти полицијата, 31-годишниот возач на минибусот, кој е бугарски државјанин од Видин, е приведен.
Од имигрантите 19-мина поседувале документи издадени од бугарската Државна агенција за бегалци, што значи дека биле регистрирани при влез во Бугарија, додека останатите деветмина не поседувале никакви документи за лична идентификација.
Приведените имигранти се пренесени во центар за згрижување на бегалци во Софија, се додава во полициското соопштение.