Во Херцег Нови има околу 1530 туристи, што е за 93 отсто помалку во однос на истиот период минатата година, говорат податоците на Tуристичката организација во градот.
Од вкупниот број туристи, 975 се странци, а 551 се домашни гости, пренесуваат медиумите.
Во домаќинствата апартмани или соби изнајмиле 591 туристи, а во хотелите се сместени 935 лица.
Во авто-камповите и во хостелите нема пријавени туристи.
Од почетокот на јуни, вкупниот број на случаи заболени од коронавирус во Црна Гора изнесува 396, во земјата има 4 смртни случаи како последица на Ковид-19, а бројот на активни случаи е 392.