Во леарницата Јелшинград во Бања Лука, денес беше организирано јавно уништување на 1.536 парчиња оружје и делови за оружје, кои беа собрани и запленети од полициските агенции во Босна и Херцеговина.
Оружјето се уништува како дел од ИПА проектот „Поддршка за зајакнување на борбата против нелегалното поседување, злоупотреба и трговија со мало и лесно оружје во Западен Балкан“, објави БХРТ.
Уништувањето на оружјето беше организирано од Координативниот комитет за контрола на мало и лесно оружје во Босна и Херцеговина, во соработка со европски партнери и со поддршка на УНДП во БиХ.
Целта е да се привлече вниманието кон опасностите што вишокот оружје, како и лошо осигуреното и нелегално поседуваното оружје, ги претставуваат за секојдневната безбедност на граѓаните.
