По најавата од албанската Влада дека оние семејства кои трошат над 700 киловатчасови електрична енергија месечно, ќе плаќаат повисока цена, според податоците на Регулаторниот завод за енергетика поскапа струја ќе плаќаат над 50 илјади семејства.
– Во земјата има околу 1, 2 милиони потрошувачи-семејства при што над 50 илјади трошеле повеќе од 700 киловатчасови електрична енергија месечно, што е шест отсто од вкупниот број. Според пресметките тие ќе плаќаат два до трипати повисока цена по киловатчас, пренесува АБЦ њуз.
За останатите семејства, како што изјави премиерот Еди Рама, цената, која изнесува 9,5 лека без ДДВ не се менува.
Дека ќе има поскапа струја за семејствата кои трошат повеќе најави Рама на пленарна седница на парламентот на 31 минатиот месец.
Вчера по седница на владата министерката за енергетика и инфраструктура Белинда Балуку го потврди тоа и ја кажа и количината од над 700 киловатчасови.
Извор: МИА