По неколкудневниот пад на новодијагностицирани со „Ковид-19“, кога беа регистрирани по седум до девет случаи, во последното деноноќие во
Албанија новозаразени се 17 лица, со што вкупната бројка се зголеми на 433 лица.
– Во последните 24 часа се тестирани 259 сомнителни случаи, а кај 17 добиени се позитивни резултати. До сега направени се вкупно 3.644 тестови, при што дијагностицирани се 433 случаи со „Ковид-19“. Во последното деноноќие излекувани се 15 пациенти со што вкупната бројка на излекувани достигна 197. За жал и покрај напорите на лекарите до сега починати се 23 лица, изјави Мира Ракацоли, заменик министерка за здравство и социјална заштита.
Таа додаде дека во моментов на Инфективната клиника и во болницата „Шефќет Ндроќи“ хоспитализирани се 60 пациенти, од кои 11 се на интензивна нега, додека шестмина се интубирани.
Најпогодени градови се Тирана со 209 заразени лица, Скадар 52, Драч 39 и Фиер 32 лица.
Во рамки на мерките за спречување на проширувањето на болеста денеска и овој викенд, трет по ред, полицискиот час ќе трае од 13 часот до понеделник во 5:00 часот.
– Во сабота од 13:00 до понеделник во 5:00 часот се ќе биде затворено и сите дома! Малку по малку со трпение, ќе излеземе со крената глава од оваа војна, напиша премиерот Еди Рама на Фејсбук.