На конференцијата на држави од Западен Балкан што ќе се одржи на 28 август во Берлин, покана е упатена на адреса на сите осум држави од регионот, изјави германскиот амбасадор во Србија Хајнц Вилхелм.
Тој најави учество на премиери, министри за надворешни работи и економија.
– Германија е заинтересирана да има подобрување на сите односи, но тоа не е само германска желба туку и заеднички став на Европската комисија, изјави Вилхелм за Политика.
Германскиот амбасадор додаде дека постојат насоки конференцијата секоја година да биде свикана од една членка на ЕУ и оти следен домаќин по Германија, ќе биде Австрија.