Опасниот воден и воздушен вител предизвика хаос долж брегот на популарното туристичко место Аја Напа. Уловен е моментот кога летаа лежалки и чадори, а туристите трчаа да си ги спасат животите.
Снимките ги прикажуваат почетните фази на торнадото во Аја Напа, Кипар во понеделникот. Брзо доби замав и се разви во поголем вртлог налик на торнадо и, како што се засилуваше брзината, растеше се повеќе и побрзо. На крајот стигна до плажата, разнесе сè и комбинираше вода со песок додека туристите бегаа од областа.
Од локалната полиција велат дека не е причинета поголема штета, освен што на плажата се поместени неколку лежалки. Владините бројки покажуваат дека околу 1.000.000 туристи од Велика Британија патуваат во Кипар секоја година, а Аја Напа е една од најпопуларните дестинации.
Лесни „торнада“, повремено се појавуваат на крајот на летото и на есента и може да бидат опасни за бродарите и крајбрежните локации, но не претставуваат никаква закана понатаму во внатрешноста на копното.