Вработен во сараевската Брза помош вчера, додека неговите колеги и помагале на постара жена на која и се слошило, и украл пари од паричникот.
Тој е фатен благодарение на снимката од надзорната камера, за која очигледно не знаел, а која ја објави порталот Кликс.
„Вчера во 19 часот и 30 минути во станот на мајка ми вработен во Брза помош Сараево украл пари. Кражбата се случила додека и помагале бидејќи е болна жена која има 80 години. Ова е срамно“, изјавил за Кликс во телефонски разговор синот на жената.
Тој додаде дека камерата ја поставил за да може да ја следи мајка си бидејќи е тешко болна.
– Се` пријавивме во полиција, а мајката денеска ја сместивме во дом за стари лица, додава тој.
Како што може да се види на снимката, од паричникот и извадил една банкнота, најверојатно во вредност од 20 км, додека на жената и се помагалo.