Медиумите во Албанија објавија снимка од апсењето на поранешниот претседател Илир Мета. На видеото се гледа дека неговото возило полицијата го запира на среде булевар и специјалци го влечат надвор од колата.
Мета денеска беше приведен откако претходно неколку пати се појави на распит во Специјалното обвинителство за случајот ЧЕЗ-ДИА. Се работи за сериозен корупциски скандал во кој е вмешан еден од неговите блиски соработници и измама за наплата на долгот на ЧЕЗ, чешка енергетска компанија која работела во Албанија за време на владата на Сали Бериша.
– Прогонот на Илир Мета е политички, политички и само политички. Тие не објавија никакви факти, никакви документи, но ги извршија наредбите на албанскиот премиер Еди Рама, кој со сите средства политички, а можеби и физички се обиде да го елиминира Илир Мета. Еди Рама, како што во минатото објавував, е вмешан во исчезнување на лица на незаконски, противуставен начин – рече поранешниот албански премиер Сали Бериша.
Илир Мета отпатувал во Чешка со цел лично да преговара за договорот кој бил потпишан во септември 2010 година и ДИА (Debt International Advisory), советодавна компанија регистрирана на Девствените Острови на 7 јули 2010 година. која била обврзана да го наплати секој долг стар над 90 дена од институциите како и од приватни граѓани кои не ги платиле сметките за енергија.