“Немам зборови! Ти направи нешто за мене што никој никогаш не го направил! Навистина! Ми го спаси животот!” – изјави Снежана Фајфар на средбата со нејзиниот спасител Иван Метикош, човекот кој ја спаси пред некој ден во големото невреме кое го зафати Загреб.
„Тоа е ситница“, ѝ одговори Иван со насмевка. Снежана се расплака и вели: „Тоа е нашиот млад херој и сите стари нека погледнат кон него“.
“Не би рекол дека сум херој. Тоа е прилично силен збор. Мило ми е што можев да помогнам, најважно е госпоѓата да е добро”, скромно изјави Иван.
Видеото од спасувањето ја обиколи Хрватска. Се прошири и надвор од границите.
Снежана на враќање од работа ја зафати невреме, силниот ветер почна кога дојде до зградата во која живее. На тоа место сосема случајно се најде 24-годишниот фитнес тренер заедно со својата девојка.
„Поминувавме и буквално додека се возевме по патот пред нас се срушија две дрвја и една бандера. Воопшто не можевме да ги избегнеме, дури ни зад нас затоа што падна уште едно дрво и единствената опција беше да се повлечеме некаде поблиску до зградата за да не падне дрвото врз нас. Така ја видовме госпоѓата“, изјави Метикош.