Околу 23.000 евра е пленот кој од една белградска банка попладнето околу 17:00 часот го однел разбојник вооружен со пиштол, кој носел медицинска заштитна маска и син ранец.
Снимката од безбедносната камера, објавена на социјалните мрежи, покажува како ограбувачот влегува во банката, во која нема други клиенти и смирено им се обраќа на неколкуте преплашени вработени, откако го покажува пиштолот.
Разбојникот, заедно со ранецот со парите, избегал во непознат правец, а според неофицијалните информации пренесени од српските медиуми, на една од вработените во банката ѝ се слошило по трауматичниот настан.