Во Тирана синоќа беше одржан најмасовниот протест во историјата на земјата, со учество на неколку стотици илјади учесници, меѓу нив и голем број Албанци од дијаспората, кои пристигнаа во метрополата од неколку европски земји, но и Албанци од соседните земји, објавија медиумите.
Протестот почна во 19 часот, од плоштадот “Скендер бег”, до плоштадот “Народни херои” и пред владата каде се обратија повеќе говорници повторувајќи ги веќе познатите барања за оставка на премиерот Еди Рама и формирање ” непартиска влада со едногодишен мандат”. Потоа продолжија со марш низ градот.
🚨🇦🇱 Day 35 of mass protests in Tirana, Albania
✊️🇦🇱 Over 350,000 people gathered at the main square in the Albanian capital today, sending a powerful message to Edi Rama.
✊️🇦🇱 For 35 consecutive days, the brave people of Albania have refused to surrender. They are… pic.twitter.com/enkqFfMpOF
— Anonymous TV 🇺🇦 (@YourAnonTV) July 4, 2026
На синоќешниот протест најголемо внимание привлече симболиката избрана за роденденот на премиерот, кој вчера го славеше 62 роденден. Демонстрантите првично донесоа бетонска торта со натпис „уште 100 години затвор“, украсена со фламинга, кои станаа симбол на протестите, првично започнати против изградбата на луксузно одморалиште во Зврнец.
Protesters in Albania deliver their "gifts" directly under PM Rama's office for his 62nd birthday. 🇦🇱🦩#albaniaisnotforsale #flamingorevolution https://t.co/K4uCxNOuKd pic.twitter.com/7Sip4ed5Ti
— Tirana Report (@Tirana_Report) July 4, 2026
Демонстрантите вееја албански и американски знамиња, извикуваа “Нова Албанија”, “Рама оди си”, “Рама во затвор”, “Бериша во затвор”. Траеше шест часа, а заврши пред Полицискиот комесаријат број 3 каде во притвор е 21 лице, приведени по насилниот протест во четвртокот пред албанскиот Парламент. Тука тие бараа нивно ослободување, фрлаа тврди предмети врз објектот кршејќи прозорци, поради што полицијата употреби водени топови.
Демонстрантите најавија протест денеска пред судот во Тирана каде треба да им се изрече безбедносна мерка на приведените.
Организаторот Едисон Лика порача дека протест ќе има и вечерва и секој ден со се поголема масовност продолжуваат до заминување на Рама.
МИА