Лидерот на бугарската парија ВМРО-БНД, Красимир Каракачанов и бугарскиот европратеник Ангел Џамбаски на „Фејсбук“ споделија ново видео кое започнува со „Македонија е бугарска“. Целта на видеото е тие и нивната партија да се претстават како патриоти и да добијат повеќе поддржувачи, а доаѓа по анкетата спроведена во Бугарија, која покажува дека тамошните граѓани сметаат дека не треба да се тргне ветото за пристапни преговори на Македонија со ЕУ.
„Македонија е бугарска. Факт на кој не му треба доказ. Факт што Зоран Заев го заборава кога е во Скопје. И тој се сеќава само кога ќе побара нешто. Бугарија отсекогаш ја сакала Македонија. Но, Бугарија не треба да биде уценувана! Пријателството се гради со доверба и доследност. Вистината не може да се заобиколи, а историјата треба да ја отфрли судбината на секој предавник. Бугарија и бугарските патриоти ќе ја продолжат нашата битка за вистината“, напшаа Каракачанов и Џамбаски.
Во видеото се наведува дека Македонија ја краде бугарската историја, а со снимки од Скопје, спомениците од „Скопје 2014“, македонското знаме. Во него има и изјави од премиерот Зоран Заев, каде меѓу другото вели: „Бугарија стави вето, го прекрши Договорот за добрососедство и пријателство“, а потоа, продолжува текст: „На патот ви стои вистината, не Бугарија“.