Со пораки за поддршка на Русија, и со старт во близина на Претседателството на Србија, голем број граѓани кон протестот и маршот низ по центарот на Белград.
Насобраните извикуваат пораки за поддршка на Русија, која минатиот четврток започна воена инвазија на Украина.
На учесниците на протестот од бината им се обратија претставници на екстремно десничарските организации – Дамњан Кнежевиќ од Народната патрола и Младен Обрадовиќ од Образ.
Stotine ljudi na ulicama Beograda podržava rusku agresiju na Ukrajinu pic.twitter.com/eLHPsVHwSU
— Istraga.ba (@IstragaB) March 4, 2022
Тие порачаа дека доколку Србија по изборите воведе санкции кон Русија, двојно повеќе луѓе ќе излезат на улица отколку вечерва.
Кнежевиќ испрати порака до Си-Ен-Ен, Би-Би-Си и РТС дека „русофобијата во Србија е статистичка грешка“ и дека „на секој Србин Русинот му е брат“.
„Колку и да не притискаа со санкции во 1992 година и сега во 2022 година во Русија, колку и да не напаѓаат и да нудат светлина, сето тоа е капка во океанот за една словенска душа“, рече Кнежевиќ, додавајќи дека „нема Србин кој на Русија и Белорусија ќе им воведе санкции“.
There are pro-Russia protests taking place in Belgrade tonight. Just in case anyone had any doubts about which votes the current Serbian government wants to keep when it says it won't implement sanctions against Russia due to its "neutral" status. pic.twitter.com/fgfivyknEn
— Aleksandar Brezar (@brezaleksandar) March 4, 2022
Обрадовиќ рече дека „Русија го ослободува целиот свет од заканите на НАТО“ и дека денес „Путин покажа кој е најсилниот и најхрабриот државник во светот“.
Dok Evropa i svijet uvode neviđene sankcije zbog agresije na Ukrajinu, u Beogradu u toku skup podrške Vladimiru Putinu i Rusiji.#UkraineRussiaWar pic.twitter.com/b3nlnQ6DAh
— InfoRadar.ba (@inforadar_ba) March 4, 2022
Собирот започна со интонирање на химните на Србија и Русија, граѓаните носеа руски и српски знамиња и извикуваа „Русија, Русија“, „Србите и Русите се браќа засекогаш“, „Предавство, предавство“.
Демонстрантите потоа отидоа на прошетка до руската амбасада.