Собрани се потребните средства за таткото на 11-годишната Нина Нинковиќ да отпатува на лекување во Москва. Девојчето стана хит во регионот откако беше објавено дека продава крофни на улица за да собере пари за татко и кој има проблеми со видот.
Мајката на девојчето информираше дека парите се собрани и дека малата Нина ќе патува со татко и во Москва на потребните прегледи и терапии.
ovo je red ispred standa na kom devojcica prodaje krofne za lecenje tate
najlepsi novi sad ❤️ pic.twitter.com/0bhyVTviDR— jn (@_jn____) June 27, 2023
„Сè отиде предалеку, луѓе доаѓаат од сите страни и им благодарам на сите. Морам да кажам дека ги собравме парите и одиме за Москва, билетот за да стигнеме чини 1.000 евра, а останатите трошоци ќе видиме. Засега имаме доволно пари“, изјави Наташа Нинковиќ, мајката на Нина, за Телеграф.рс
Министерството за здравство на Србија понуди помош за лекувањето, но семејството одговорило дека сакаат да одат ов Москва.
Инаку, таткото на Нина Зоран го изгубил видот во 2016 година поради откачување на мрежницата. Во март 2022 година повторно се случила аблација и била дијагностицирана офталмија и панувеитис, а со тоа бил загрозен животот на Зоран.
Тој оди на клиника и прима системска терапија, хемотерапија и имуносупресивни капки. По една година од појавата на фибрин, поради што видот му е заматен, се јавува изразена фотофобија. Се следи состојбата на целиот организам поради високи дози на хемотерапија.
Сега на Зоран му е потребна помош за да може да оди на лекување во Москва. Потребни се средства за понатамошна дијагностика, прегледи, анализи, набавка на лекови, лекување во земјата и странство, како и за патни трошоци и сместување.
red za krofne… Novi Sad pic.twitter.com/GES4lIgYfu
— zo100ino (@zo100INO) June 27, 2023
Откако се рашири приказната за Нина, на местото каде што таа продава крофни се собра огромен број луѓе кои во редици чекаа да купат од девојчето и да помогнат ов нејзината цел.