Еден човек загина, а шест лица се повредени во масовна тепачка што се случила на пазарот во бугарскиот град Казанлак. Според бугарските медиуми, една жена има скршена рака, а двајца мажи се во критична состојба.
Инцидентот се случил вчера околу 14 часот на пазарот во градот. Група мажи се степале со секири и мотики. Полицијата многу брзо пристигнала на местото на настанот. Повредените се пренесени во Ургентниот центар во Казанлак.
Две групи од селата Тажа и Манолово, во општина Павел Бања, имале семејна расправија, а потоа дошло до крвопролевање.