Земјотрес со интензитет од 4,9 степени според Рихтеровата скала беше регистриран денеска во централна Грција, соопшти Европско-медитеранскиот сеизмолошки центар.
Епицентарот на земјотресот бил на осум километри од населеното место Елатија, на 118 километри северно од Атина и на десет километри длабочина.
Грчкиот весник „Катимерини“ прецизира дека потресот се случил кусо по 15 часот по локално време.
Во земјотресот нема настрадани лица.
Ова е втор земјотрес во Грција во текот на денешниот ден, откако земјотрес со интензитет од 4,5 степени според Рихтеровите скала го погоди изутрината регионот на Парга, во северозападна Грција.