Убиството кај Вуковар било уште пострашно – двајцата синови со хебли ја убиле сопствената мајка

Од:

Новите детали за убиството на 65-годишната Блаженка Дивљаковиќ што се случи минатата недела во село кај хрватскиот град Вуковар, откриваат дека тоа било уште побрутално отколку што беше наведено во првичните информации – жената била убиена не само од едниот, туку од двајцата свои синови, соопшти полицијата.

Двајцата синови, Игор и Ренато, на возраст од 27 и 34 години, кои ѝ биле од претходно познати на полицијата по насилничко однесување, со хебли до смрт ја претепале мајката во нејзиниот и нивниот двор, соопшти Обвинителството.

По ужасниот злостор кој се случи во селото Шаренград, во близина на српско-хрватската граница, убијците побегнале, но полицијата набрзо ги пронашла и ги уапсила.

„Постои основано сомнение дека на 29 април околу 18 часот и 30 минути во Шаренград, 27-годишниот осомничен и 34-годишниот осомничен, заедно и по претходен договор, во дворот на семејната куќа ја сочекале мајката (1964), која претходно вербално и психички ја злоставувале“, се вели во соопштението на Жупаниското обвинителство.

„Кога таа влегла во дворот, користејќи ја нејзината доверба, бидејќи не го очекувала нивното доаѓање и нападот, по расправија, со цел да ја усмртат, ѝ задале повеќе удари во главата и во телото. Мајката набргу починала од нанесените повеќекратни повреди на главата“, додаваат од Обвинителството.

Истражен судија го прифатил предлогот на двајцата осомничени да им се одреди притвор поради можноста да влијаат врз сведоците и опасноста од повторување на слично дело.

Би можело да ве интересира

Две убиства во три месеци во Бутел и Топанско поле, кој и зошто ги изврши не е откриено

Кристијан Ландов

Момче од кичевско го закла својот татко, откако тој со ловечка пушка му се заканил на синот

Жарко Настоски

ВИДЕО: Силно невреме на границата меѓу Србија и Хрватска, Србите го биеја градот со 800 ракети

Жарко Настоски

ВИДЕО: Очаен Русин уби двајца извршители кои дошле да му го исфрлат семејството на улица

Жарко Настоски

Трагедија во Хрватска: Мало дете пронајдено мртво во заклучен автомобил

Жарко Настоски

ВИДЕО: Снимен моментот на земјотресот кај Шибеник

Ана Ололовска