Постојано пристигнуваат нови детали за масакрот во Прага. Да потсетиме, 17 лица беа убиени во центарот на Прага. Меѓу нив е и напаѓачот.
Подоцна беше откриено дека напаѓачот го убил својот татко денеска во село во близина на Прага, а оттаму тргнал кон чешкиот главен град.
Сега доаѓаат нови информации. Началникот на полицијата Мартин Вондрашек вечерва изјави дека, според достапните информации, напаѓачот е одговорен и за уште две убиства.
„Работиме со верзијата дека напаѓачот очигледно е одговорен и за убиствата во Клановице“, рече началникот на полицијата, додавајќи дека жртвите ги избрал по случаен избор.
Пред шест дена непознат напаѓач застрелал возрасен и дете во шума, а според медиумите жртви биле триесет и двегодишен маж и неговата двомесечна ќерка.
Како што изгледа, соопшти полицијата, убиецот во тој случај е напаѓач од Прага.