Во меѓународна полициска акција, истовремено спроведена во Србија, Босна и Херцеговина, Холандија, Хрватска и Црна Гора, уапсени се неколку лица под обвинение за шверц и препродажба на кокаин од Јужна Америка во Европа, јавуваат српските медиуми.
Според Управата на српската криминалистичка полција денеска во рамките на координирана полициска акција „во неколку држави“ се „уапсени неколку лица и се извршени претреси на неколку објекти“.
Меѓународната полициска акција била насочена против организирана криминална група, која се занимавала со шверц на големи количества кокаин од Јужна Америка и нивна продажба во Европа. Криминалната група е отркреина при заплена на 15 килограми кокаин во Холандија на 1-ви ноември минатата година, кога се уапсени две лица.
Во Србија се уапсени две лица, во Црна Гора едно, а на територијата на Хрватска се извршени претреси на неколку објекти.