Турската полиција денеска употреби солзавец против работници од две термоцентрали, кои протестираат пред Министерството за енергетика и природни ресурси во Анкара поради најавената приватизација на овие објекти.
Првично полицијата побарала од работниците да го прекинат протестот. Откако демонстрантите одбиле да заминат, полицијата употребила солзавец и уапсила неколкумина од нив.
Вработните во термоцентралите Јеникој и Кемеркој, во западниот дел на Турција, од 10 април организираат протести против нивната претстојна приватизација.