Турските власти уапсија уште девет претставници на главната опозициска прокурдска Демократска партија на народите, еден ден откако беа приведени лидерите на оваа партија.
Меѓу деветмината уапсени се наоѓаат окружни и обласни раководители на партијата во округот Адана.
Полицијата во Турција вчера приведе 12 пратеника на Демокартската партија на народите, меѓу кои и двајцата потпретседатели Селахатин Демирташ и Фиген Јуксекдаг, откако одбиле да се јават во обвинителството и да дадат изјава.
Властите во земјата ја обвинуваат прокурдската партија за пропаганда на тероризам и поврзаност со забранетата Курдска работничка партија (ПКК).